អាជ្ញាធរខេត្តប៉ៃលិន ជំរុញដល់ក្រុមប្រឹក្សាឃុំសង្កាត់ និងមណ្ឌលសុខភាពទាំងអស់ រៀបចំផែនការគាំទ្រដល់ កម្មវិធីអេដស៍នៅក្នុងសហគមន៍របស់ខ្លួនឱ្យមានដំណើរការល្អនិងនិរន្តរភាពយូរអង្វែង។ថ្លែងក្នុងពិធីបិទវគ្គបណ្តុះបណ្តាល ក្រុមប្រឹក្សាឃុំសង្កាត់ស្តីពីការរៀបចំសម្រាប់និរន្តរភាពកម្មវិធីអេដស៍នៅក្នុងសហគមន៍របស់អង្គការ CRS នារសៀលថ្ងៃទី ០៣ ខែធ្នូ ឆ្នាំ២០២០  ឯកឧត្តម ផាន់ ចាន់ធុល អភិបាលខេត្តប៉ៃលិនបានលើកឡើងថា ប្រទេសកម្ពុជាគឺជា‍ប្រទេសជោគជ័យមួយ នៅក្នុងការ ប្រយុទ្ធប្រឆាំងនឹងជំងឺអេដស៍ ដែលភាពជោគជ័យនេះ ដោយសារតែមានកិច្ចសហប្រតិបត្តិការដ៏រឹងមាំរបស់ រាជរដ្ឋាភិបាលកម្ពុជា ជាមួយដៃគូអភិវឌ្ឍន៍ និងអង្គការមិនមែនរដ្ឋាភិបាលនានា ក្នុងការជួយគ្នាទៅវិញទៅមក ដែលជាសកម្មភាពមួយ ជួយដោះស្រាយតម្រូវការរបស់ជនងាយរងគ្រោះនៅក្នុងឃុំ/សង្កាត់របស់ពួកគេ។ ឯកឧត្តមអភិបាលខេត្តបានលើកឡើងថាវគ្គបណ្ដុះបណ្ដាលនេះ ក៏នឹងជួយបង្កើននូវកិច្ចសហប្រតិបត្តិការជាមួយដៃគូក្នុងប្រទេស អង្គការសង្គមស៊ីវិល អង្គការមិនមែនរដ្ឋាភិបាល មណ្ឌលសុខភាព មូលនិធិសមធម៌សហគមន៍ ជួយដោះស្រាយតម្រូវការរបស់ជនងាយរងគ្រោះនៅក្នុងឃុំ/សង្កាត់ បានឆាប់រហ័សទាន់ពេល។ ហើយជាមួយគ្នានោះក្រោយពេលទទួលបានចំណេះដឹងពីវគ្គបណ្តុះបណ្តាលនេះហើយក្រុមប្រឹក្សាឃុំសង្កាត់ ជាពិសេស អាជ្ញាធរមូលដ្ឋានត្រូវចូលរួមផ្សព្វផ្សាយអោយបានទូលំទូលាយផងដែរ។  

 áž”្រធានគម្រោងកម្មវិធីអេដស៍ តំណាងអង្គការ កាតូលិក សង្គ្រោះ និងអភិវឌ្ឍន៍ ហៅកាត់ថា CRS  បានឱ្យដឹងដែរថា ដោយមានការគាំទ្រពីមជ្ឈមណ្ឌលជាតិ គម្រោងអង្គការកាតូលិក សង្គ្រោះនិងអភិវឌ្ឍន៍ បានអនុវត្ត សកម្មភាពពាក់ព័ន្ធទៅនឹងមេរោគអេដស៍នៅទូទាំងប្រទេសកម្ពុជា ជាពិសេសនៅខេត្តប៉ៃលិនអង្គការកាតូលិកសង្គ្រោះនិងអភិវឌ្ឍន៍ បានតាំងចិត្តខ្ពស់ក្នុងការបញ្ចូលគម្រោងកម្មវិធីអភិវឌ្ឍផ្នែកសុខភាពនៅតាមមណ្ឌលសុខភាព។ ស្របជាមួយគ្នានោះផងដែរ វគ្គបណ្តុះបណ្តាលនេះ គឺដើម្បីបណ្តុះបណ្តាលដល់ក្រុមប្រឹក្សាឃុំសង្កាត់ និងមន្រ្តីមណ្ឌលសុខភាព ឱ្យយល់ដឹងបន្ថែមពីការ ឆ្លើយតបនឹងមេរោគអេដស៍ ជំងឺអេដស៍នៅតាមសហគមន៍ រួមទាំងចំណេះដឹងពីរោគអេដស៍ ច្បាប់ និងគោលការណ៍នានា ដែលទាក់ទងនឹងមេរោគអេដស៍និងជំងឺអេដស៍។ មួយវិញទៀតដើម្បីអភិវឌ្ឍន៍ជំនាញក្នុងការបញ្ចូលសកម្មភាពមេរោគអេដស៍ ជំងឺអេដស៍ ទៅក្នុងផែនការអភិវឌ្ឍន៍ និងកម្មវិធីវិនិយោគឃុំ។

 áž”ើយោងតាមរបាយការណ៍របស់មន្ទីរសុខាភិបាលខេត្តប៉ៃលិន បានឱ្យដឹងថា នៅក្នុងខេត្តប៉ៃលិនត្រីមាស៣ ឆ្នាំ២០២០ អ្នកដែលផ្ទុកជំងឺអេដស៍សរុបមានចំនួន ៤១៥នាក់ ស្រីចំនួន២៣៨នាក់ ក្នុងនោះក្មេងចំនួន១៧ នាក់។ 

 ážŸáž¼áž˜áž”ញ្ចាក់ថា វគ្គបណ្តុះបណ្តាល ក្រុមប្រឹក្សាឃុំសង្កាត់ស្តីពីការរៀបចំសម្រាប់និរន្តរភាពកម្មវិធីអេដស៍ នៅក្នុងសហគមន៍នេះ មានចំនួនពីរថ្ងៃគឺចាប់តាំងពីថ្ងៃទី០២ រហូតដល់ថ្ងៃទី០៣ ខែធ្នូ ឆ្នាំ២០២០ នៅមន្ទីរសុខាភិបាលខេត្ត៕