ព្រឹកថ្ងៃអាទិត្យ១៥រោច ខែកក្តិក ឆ្នាំជូត ទោស័ក áž–.ស២៥៦៤ ត្រូវនឹថ្ងៃទី១៥ ខែវិច្ឆិកា ឆ្នាំ២០២០ ឯកឧត្តម ចេង ញ៉ាន់ និងឯកឧត្តម ឃ្លោក នូយ អភិបាលរងខេត្តប៉ៃលិន តំណាងឯកឧត្តម ផាន់ ចាន់ធុល អភិបាលខេត្តប៉ៃលិន រួមនឹងលោកអភិបាលស្រុកសាលាក្រៅ លោកប្រធាន អនុប្រធានមន្ទីរ មន្រ្តីរាជការ អាជ្ញាធរមូលដ្ឋាន បាននាំយកអំណោយរបស់រាជរដ្ឋាភិបាលទៅចែកជូនដល់ប្រជាពលរដ្ឋក្រីក្រ និងប្រជាពលរដ្ឋរងគ្រោះដោយជំនន់ទឹកភ្លៀង កាលពីពេលកន្លងទៅ សរុបចំនួន៩៧ គ្រួសារ មកពីឃំុស្ទឹងត្រង់ ស្រុកសាលាក្រៅ ខេត្តប៉ៃលិន។ 

អំណោយស្បៀងដែលបានយកទៅចែកជូនដល់ប្រជាពលរដ្ឋនាពេលនោះ មួយគ្រួសារៗទទួលបានអង្ករ២៥គីឡូក្រាម , មីមួយកេះ ត្រីខមួយយួ , មុងមួយ,ភួយមួយ, និងកន្ទេលមួយ។

មានប្រសាសន៍សំណេះសំណាលនាឱកាសនោះ ឯកឧត្តម ចេង ញ៉ាន់ អភិបាលរងខេត្តប៉ៃលិន បានលើកឡើងថា រាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន តែងមានការយកចិត្តទុកដាក់ពីសុខទុក្ខ ជីវភាពរស់នៅរបស់ប្រជាពលរដ្ឋទាំងអស់។ ទីណាមានទុក្ខលំបាក ទីនោះមានការជួយសង្រ្គោះពីរារដ្ឋាភិបាលតាមរយៈអាជ្ញាធរនៅនឹងមូលដ្ឋាន ឬអង្គភាពពាក់ព័ន្ធនានាផ្សេងៗទៀត ដោយមិនទុកអោយប្រជាពលរដ្ឋណាម្នាក់អត់ឃ្លាន ឬទទួលរងទុក្ខលំបាកដោយមិនមានការជួយសង្រ្គោះនោះឡើយ។ ឯកឧត្តមបានមានប្រសាសន៍បន្តថា កន្លងមកនេះរដ្ឋបាលខេត្តប៉ៃលិន ក៏ដូចជាសាខាកាកបាទក្រហមខេត្តប៉ៃលិន ក្រុមការងារសហភាពសហព័ន្ធយុវជនកម្ពុជាខេត្តប៉ៃលិន ក្រុមការងារតំណាងរាស្រ្តមណ្ឌលប៉ៃលិនរបស់លោកជំទាវ បាន ស្រីមុំ និងឯកឧត្តម អុី ឈាន រួមនឹងសប្បុរស់ជននានាមួយចំនួនទៀត បានពួតដៃគ្នាចុះជួយដល់ប្រជាពលរដ្ឋដែលរងគ្រោះដោយជំនន់ទឹកភ្លៀង ប្រជាពលរដ្ឋរងគ្រោះដោយសាររោគរាត្បាត កូវីដ១៩ ប្រជាពលរដ្ឋក្រីក្រ និងងាយរងគ្រោះបានយ៉ាងច្រើន ដែលនេះជាស្មារតីទទួលខុសត្រូវខ្ពស់របស់រាជរដ្ឋាភិបាលចំពោះប្រជាពលរដ្ឋ ក៏ដូចជាស្មារតីនៃការចែករំលែក ជួយគ្នារបស់ប្រជាជនកម្ពុជាយើង។ ឯកត្តម ចេង ញ៉ាន់ ក៏បានណែនាំអោយប្រជាពលរដ្ឋទាំងអស់ មានការយកចិត្តទុកដាក់ចូលរួមការពារខ្លួនពីការឆ្លងនៃជំងឺកូវីដ១៩ តាមការណែនាំរបស់ក្រសួងសុខាភិបាល ពិសេសក្នុងខណៈពេលនេះដែលប្រទេសកម្ពុជាយើងកំពុងប្រឈមនឹងហានិភ័យខ្ពស់ក្នុងរលកលើកទី២ នៃជំងឺកូវីដ១៩ ក្រោយព្រឹត្តការណ៍៣វិច្ឆិកា។ ឯកឧត្តមបានបន្តទៀតថា ទោះបីយ៉ាងណាក៏ដោយ មកដល់ពេលនេះ យើងបានធ្វើតេស្តលើអ្នកពាក់ព័ន្ធបានបានរាប់ពាន់នាក់មកហើយ និងមានអ្នកឆ្លងជំងឺនេះត្រឹមតែ៤នាក់ប៉ុណ្ណោះ។ ប៉ុន្តែក្រុមជនអគតិមួយចំនួន តែងយកបញ្ហាក្នុងព្រឹត្រការណ៍៣វិច្ឆិកាមក វាយប្រហារលើរាជរដ្ឋាភិបាល ក្នុងចេតនាអាក្រក់ និងបង្ករភាពវិកវរក្នុងសង្គមកម្ពុជាយើង៕   

    ដោយ វួច áž–áž¿áž“