រាត្រីថ្ងៃទី១២ ខែវិច្ឆិកា ឆ្នាំ២០២០ តាមការចង្អុលបង្ហាញពី៝ឯកឧត្តម ផាន់ ចាន់ធុល អភិបាលខេត្ត  លោក លឹម វាសនា ប្រធានមន្ទីរទេសចរណ៍ខេត្ត សហការជាមួយស្នងការដ្ឋាននគរបាលខេត្ត និងកងរាជអាវុធហត្ថខេត្ត បានដឹកនាំក្រុមការងារចម្រុះទៅពិនិត្យមើលតាមបណ្តាក្លិបកំសាន្ត KTV នានាក្នុងខេត្ត ដើម្បីធ្វើការណែនាំអោយបិទអាជីវកម្មទាំងស្រុង តាមការណែនាំរបស់ក្រសួងសុខាភិបាលកម្ពុជា និងយោងតាមអនុសាសន៍ដ៏ខ្ពង់ខ្ពស់ របស់ប្រមុខរាជរដ្ឋាភិបាល បានសម្រេចអោយបិទក្លឹបកម្សាន្ត KTVរោងភាពយន្ត សារមន្ទីរ នៅទូទាំងប្រទេស ដើម្បីបង្ការ និងទប់ស្កាត់ការរីករាលដាលនៃជំងឺCovid-19 ។

លោក លឹម វាសនា ប្រធានមន្ទីរទេសចរណ៍ខេត្តប៉ៃលិនបានអោយដឹងថា៖  ដើម្បីអនុវត្តតាមការណែនាំរបស់ក្រសួងសុខាភិបាលកម្ពុជា និងគោរពតាមអនុសាសន៍ដ៏ខ្ពង់ខ្ពស់ របស់ប្រមុខរាជរដ្ឋាភិបាល សូមអោយម្ចាស់អាជីវកម្មក្លិបកំសាន្ត KTV នានា ត្រូវអនុវត្តយ៉ាងម៉ឺងម៉ាត់តាមតាមការណែនាំរបស់រាជរដ្ឋាភិបាល និងក្រសួងសុខាភិបាល ក្នុងការទប់ស្កាត់នៃការរីករាលដាលនៃជំងឺកូវីដ-១៩ ។  លោកលឹម វាសនា បានបន្តថា៖ បន្ទាប់ពីបានចុះពិនិត្យមើលជាក់ស្តែងឃើញថា៖ ទីតាំងអាជីវកម្ម ក្លឹបកំសាន្ត ខារ៉ាអូខេ រង្គសាល  ឌីស្តូតែក និងបៀរហ្គាឌិន បានផ្អាកអាជីវកម្មទាំងស្រុង ។ លោកប្រធានមន្ទីរទេសចរណ៍ក៏បានណែនាំទៅដល់ម្ចាស់អាជីវកម្មទាំងនោះ ត្រូវ បិទរហូតដល់មានការជូនដំណឹងជាថ្មី បើករណីក្លឹបកំសាន្តណាមួយ មិនគោរពតាមការណែនាំរបស់រដ្ឋាភិបាលអាជ្ញាធរខេត្ត និងចាត់វិធានការទៅតាមផ្លូវច្បាប់ ដូចជា ដកអាជ្ញាប័ណ្ណធ្វើអាជីវកម្មជាដើម។

 ážŸáž¼áž˜áž”ញ្ជាក់ថាកាលពីថ្ងៃទី០៨ខែ វិច្ឆិកា ឆ្នាំ២០២០ ក្រសួងសុខាភិបាលបានប្រកាសឱ្យបិទ KTV ក្លឹបកំសាន្ត ខារ៉ាអូខេ រោងភាពយន្ត សារមន្ទីរ នៅទូទាំងប្រទេស ក្នុងស្ថានភាពជំងឺកូវិដ១៩រីករាលដាលជាសកល ជាពិសេសបន្ទាប់ពីការបំពេញទស្សនកិច្ចរបស់រដ្ឋមន្រ្តីការបរទេសហុងគ្រី មកកាន់ប្រទេសកម្ពុជា កាលពីថ្ងៃទី០៣ ខែវិច្ឆិកា ដែលបន្ទាប់ពីបញ្ចប់ដំណើរទស្សនកិច្ចនេះ លោកត្រូវបានរកឃើញថាមានវិជ្ជមានមេរោគកូវីដ១៩ ៕

គួបញ្ជាក់ថា៖ នៅក្នុងខេត្តប៉ៃលិនមានខារ៉ាអូខេចំនួន ៧ កន្លែង និងឌីស្កូតែកចំនួន ១កន្លែងផងដែរ៕