គេហទំព័រមន្ទីរព័ត៌មានខេត្តប៉ៃលិន បានក៏កើត តាមអនុសាសន៍ដ៏ខ្ពង់ខ្ពស់របស់ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ហើយមានគំនិតផ្ដួចផ្ដើមរៀបចំបង្កើតឡើងដោយ ឯកឧត្តម គង់ ដួង ទីប្រឹក្សាក្រសួងព័ត៌មាន ដែលពេលនោះ ឯកឧត្តមស្ថិតនៅក្នុងឋានៈជាប្រធានមន្ទីរព័ត៌មានខេត្តប៉ៃលិន ។
តម្លៃនៃការខិតខំប្រឹងប្រែងរៀបចំឲ្យមានគេហទំព័ររបស់មន្ទីរព័ត៌មានផ្ទាល់នេះ គឺឯកឧត្តម គង់ ដួង បានខិតខំ និងចំណាយពេលវេលាយ៉ាងច្រើន ក្នុងពេលដែលមន្ទីរយើងពេលនោះ ខ្វះខាតទាំងធនធានមនុស្ស ព្រមទាំងការងារបច្ចេកទេស តែដោយសារការដឹកនាំមានស្មារតីខ្ពស់ គេហទំព័រមន្ទីរព័ត៌មានក៏ត្រូវបានបង្កើតឡើង ។ មន្រ្តីយើងធ្វើបណ្ដើរ រៀនបណ្ដើរ និងបានសិក្សាដកពិសោធន៍បណ្ដើរ រហូតគេហទំព័រមន្ទីរព័ត៌មានបានដំណើរការមួយរយៈពេល ហើយក៏ខាក់ខានទៅវិញ ដោយមូលហេតុបច្ចេកទេស ។

បន្ទាប់ពីឈប់ធ្វើប្រតិបត្តការអស់មួយរយៈពេលមក ហើយក្នុងពេលដែលឯកឧត្តម គង់ ដួង បានចូលនិវត្តន៍ លោកស្រី ស្រ៊ី ចាន់អេង បានឡើងកាន់តំណែងជាប្រធានមន្ទីរ ជំនួសឯកឧត្តម គង់ ដួង នៅថ្ងៃទី២០ ខែមេសា ឆ្នាំ២០១៨ គេហទំព័រមន្ទីរក៏បានដំណើរការឡើងវិញ ដោយឯកឧត្តម គង់ ដួង នៅតែខិតខំជួយជាយោបល់ដល់មន្រ្តីបច្ចេកទេស ធ្វើឲ្យគេហទំព័រមន្ទីរព័ត៌មានខេត្ត បានដំណើរការជាប្រក្រតីឡើងវិញមកដល់បច្ចុប្បន្ននេះ ។

II- គោលបំណង

គេហទំព័ររបស់មន្ទីរព័ត៌មានខេត្តប៉ៃលិន គេហទំព័រមន្ទីរព័ត៌មានខេត្តប៉ៃលិន មានគោលបំណងច្បាស់លាស់ដើម្បីជំរុញនិងលើកស្ទួយវិស័យព័ត៌មាននៅក្នុងខេត្តប៉ៃលិនឲ្យកាន់តែរីកចំរើនថែមទៀត មានតួនាទី ផ្សព្វផ្សាយនូវរាល់សមទ្ធិផលថ្មីៗដែលកើតឡើងក្រោមការដឹកនាំរបស់ខេត្ត និងក្រោមការដឹកនាំដ៏ត្រឹមត្រូវ របស់សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ពិសេសឲ្យសាធារណៈជនទូទៅ ឲ្យបានស្គាល់ច្បាស់ ពីខេត្តប៉ៃលិន ។ ផ្សព្វផ្សាយព័ត៌មាននានា និងរក្សាទុកនូវឯកសាររូបភាពសកម្មភាពនានារបស់ថ្នាក់ដឹកនាំគ្រប់លំដាប់ថ្នាក់ គ្រប់មន្ទីរវិស័យ ទាំងរូបភាពសន្លឹក និងរូបភាពវីដេអូ ដែលមន្ត្រីមន្ទីរព័ត៌មានចុះយកព័ត៌មាន និងផលិតបាន។ ជំរុញការផ្សព្វផ្សាយឲ្យសាធារណៈជនបានដឹងពី វិស័យទេសចរណ៍នៅក្នុងខេត្តប៉ៃលិន។

III -អំពីរចនាសម្ព័ន្ធ

គេហទំព័ររបស់មន្ទីរព័ត៌មានខេត្តប៉ៃលិន រចនាសម្ព័នការងារ គេហទំព័រមន្ទីរព័ត៌មានមាន៖
1 - លោកស្រី ស្រ៊ី ចាន់អេង ប្រធានមន្ទីរព័ត៌មានខេត្តប៉ៃលិនជាប្រធាន។
2- ឯកឧត្តម គង់ ឌួង ទីប្រឹក្សាក្រសួងព័ត៌មាន,ជាស្ថាបនិក និងជាទីប្រឹក្សាគេហទំព័រ។
2 -លោក កង ធួក អនុប្រធានមន្ទីរព័ត៌មានខេត្តជាអនុប្រធានទទួលបន្ទុក។
3-លោក គង់ ជឺ អនុប្រធានមន្ទីរព័ត៌មាន។
4-លោក គង់ ប៊ុនធីម អនុប្រធានមន្ទីរព័ត៌មាន។
5 -លោក វួច ពឿន ប្រធានការិយាល័យវិទ្យុ ជាប្រធានក្រុមប្រតិបត្តគេហទំព័រ។
6-លោក ញឹប បូរី ប្រធានការិយាល័យទូរទស្សន៍ ជាប្រធានក្រុមផ្តល់ព័ត៌មាន។ ព្រមទាំងមន្រ្តីរាជការក្របខ័ណ្ឌ និងមន្រ្តីកិច្ចសន្យាជាច្រើននាក់ទៀតជាសមាជិក។